2016年12月31日 星期六

再見2016

話咁快2016就過去, 今年戰績都幾滿意, 總算成功挑戰100, 
雖然砌咗19個場境, 但今年新買的玩具大部份都未玩😱, 
為有繼續努力, 展望2017😂.  

2016年10月3日 星期一

鮮魚屋

今年新年假期間砌咗幾個場境, 
今日先講"鮮魚屋"
呢個主題好耐之前已經想砌
由買咗 Orcara 海產巿場到依家都幾年 
之前覺得魚種類唔夠多所以遲遲未動工
之後雖然有扭蛋, 但又無動力去砌
今個年假終於搞掂!

2016年8月16日 星期二

手作仔 之 LED燈

當然我無可能識做燈啦! 今次只係介紹編
早前去深水埗買咗呢粒LED燈, 呢款8頭,
有黃光和白光兩種
另有長度短D, 外型一樣, 只得3頭
唔知點解舖頭賣8頭/3頭都係9蚊, 
咁我梗係買8頭啦, 買咗白光!!!
上面果條係駁線(1米)15蚊, 有多款長度可選

2016年8月10日 星期三

最深刻的食玩

Blog友的一編post, 另我想起最深刻的食玩....
剛出"舊家電"我只買了兩款, 電飯煲, 多士焗, 其它都無買 
2011年寫blog後, 就更加想收集返舊家電
其中呢款衣車係最想最想要
 

2016年8月4日 星期四

跌落深淵的一刻

睇到2位BLOG友講自己的第一盒re-ment, 令我諗返起自己點樣走上這條不歸路...哈哈哈!
我第一次見到re-ment, 系黃埔奇趣, 果時奇趣仲係商場入邊, 未搬出大街, 更加未搬去新店.
有日又走去奇趣睇廚窗, 點知見到佢地將產地1和Let's Cooking放入雪櫃入邊....嘩嘩嘩, 我真係抵擋唔到, 之前只睇無買.  果刻我真係好開心笑, 拉住我老公, 係咁同佢講, 好得意, 好靚呀. 佢一聲令下 "買啦" 由果刻開始就成為re-ment投資部會員 (我成日都話自己幫re-ment打工, 一出糧就去交會費).
我第一次買re-ment就3套, 哈哈! 雪櫃, 產地1 和 Let's Cooking (display貨), 果時唔知旺角, 深水埗都有得買, 只識去奇趣, 當然貴D啦. 之後比我發現旺角, 深水埗呢d勝地就續步續步走入呢個無底深淵......

2016年7月22日 星期五

手作屋

原來已經半年無post新場境
呢間"手作屋"啱啱新鮮出爐, 上星期先影相
佢係我o既第101個場境
第100個場境早在5月已經完成, 但佢其實唔係我心目中的100
等遲d出post再同大家分享過中因由
講返"手作屋" 佢又係一間在無計劃下的場境
同樣越砌越有起勁, 加吓, 砌吓就變咗呢間舖

2016年7月12日 星期二

肉痛, 心更痛

月初心血來潮攞間"快適空間"出來玩, 本來打算用來砌新場境 
點知發生大件事.......間屋仔局部變黃......嗚嗚嗚.....
真係欲哭無淚
除咗窗口那邊, 連前窗框, 後背板上邊都發黃
呢間屋我算是唔捨得玩, 覺得好珍貴, 所以長時間儲放, 無諗過會發黃
超級肉痛, 但心更痛

2016年6月22日 星期三

進化辦場境

第99個場境系4月己經完成, 但到依家都未影相. 只系久唔久用手機影吓, 可能我心中一直覺得第99個場境, 同第100個場境係兄弟編, 要一齊出, 但再一次系我身上証明"幻想係美麗, 現實係殘酷", 第100個場境出咗少少意外. 可能因為咁第99個場境一直放系到....等呀等....等呀又等.....(唔會真係要等到我完成第100個場境佢先有得出......)

講咗咁耐無謂嘢, 又太耐無出POST, 怕大家忘記我.....依家先post住2張相, 嘿嘿!!!

2016年5月13日 星期五

終點在望

時間過得好快, 轉眼又幾個月無update個blog, 由於今年我有其它無謂事要做, 所以個blog會先進入冬眠狀態, (暫時都無打結束呢度). 雖然無post, 但我一直都keep住砌場境, 從未簡斷呢. "砌場境" 仲係我主要娛樂嘛. 講反我d場境先, 第99個場境係上個月已經完成咗啦, 距離終點只差一步咋, 相信好快達標!!! 

遲d等我忙完d無謂事, 我會寫返post架....遲d見.....

2016年2月22日 星期一

元宵節

祝各位元宵節快樂!!!

後話: 原來都成年未試過咁齊人, 對上一次影合照系上年新年, 今次就真係成雙成對!

2016年1月2日 星期六

邁向十週年

今年2016是我的"場境"踏入第十年啦 
由2006開始那刻, 從無想過10年後的今天依然繼續中....... 
早在年幾兩年前已經想...究竟我有無可能砌到100個場境??? 
(由於當時blog友已經砌咗100或以上的場境, 才令我有這念頭)
直到2015為止, 已砌了91個, 先黎回顧吓過往的場境